Poezie
La munti
di Constantin Belemace (1849-1932) (Un veac de poezie aromână - di H. Cândroveanu, K. Iorgoveanu)
1 min lectură·
Mediu
Eara yinghits di Brumar
Când luăm unâ cali-mbar
Sheasi-sheapti inshi eram
Tuts la munti nâ dutseam...
Shi luăm calea oilor,
Oilor shi căprilor,
Câti un shi câti doi
Cu mul'irl'i dupâ noi.
Shi tricum vuloaga-n sus,
La câsheri trâsh ne-am dus
Tuts, cicior dupâ cicior,
Pânâ-n dzeanâ, la izvor...
Nu diparti di la noi
Videam turmili di oi,
Dipunati di la mas,
Cum pâshtea trifol'ilu gras...
Sus, pi creasta plaiului,
Ca tu meslu a Maiului
Piste dultsili vior
Tut arivinà dit nior...
Scîntil'iarâ muntsâl'i grei
Di mushatsl'i curcubei,
Tsi ca trâmbi di mirgen'i
Flamburarâ pân' pi dzen'i.
Nu eara un, ma doi shi trei
Chimerlii di curcubei -
Ne-alâncim ca-n paradhis
La videarea yiului yis...
Cu haraua tutulor,
Tricu dzuua atsea cu dor,
Ca un Pashti hârios
Shi luam dipunata-n ghios...
Iar tuts cându nâ turnam,
Di diparti noi avdzam
Ca tsiva dumnezeescu:
Un caval picurărescu...
002.406
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 146
- Citire
- 1 min
- Versuri
- 36
- Actualizat
Cum sa citezi
Sima Mirela. “La munti.” Atelier, Poezie.ro, https://poezie.ro/atelier/sima-mirela/poezie/13991516/la-muntiComentarii (0)
Autentifica-te pentru a lasa un comentariu.