Poezie
Câtrâ Armânj
di Tashcu Bongu-Iliescu (anvârliga di 1845-1908) dit "Picurarlu di la Pind" di Dina Cuvata, Scopia, 2001.
1 min lectură·
Mediu
Voi, Armânj-Makidunits,
Pânâ cându va s-durnjits?
Câtse nu vâ minduits
Ca armânj curats tsi hits?
Cum di nu vâ dishtiptats
Pristi lumi ca bârbats?
Pânâ cându va sâ stats
Di pâmoarâ-ncâlicats?
Cum putets di vâ purtats
Greatsa aesta, lăi mârats?
Pânâ cându va s-bânats
Cu alti limbi-mpârmutats?
Duri shidzut âncljinats
La gârtseshtsâ disputadz!
Bârbats, muljeri, njits cu mări
Tuts vâ tsân ligats di nări!
Cum avdzâts, cum arâvdats,
Di tuts hits ânfricushats!
Turtsâlji vâ dzâc kitabsâshi;
Au ndreptu, nu s-arâshi.
Vârgarilji vâ dzâc Tsintsari,
Vâ au ca tu loc di glari!
Gretslji vâ dzâc Cutso-Vlahi,
Vâ au ca tu loc di sclayi!
Tuti aesti li ascultats
Pi tu xeani iu alâgats;
Shi nica nu vâ dishtiptats
Limba a voastrâ s-u-nvitstats!...
Cu sâdoari vâ bânats;
Cu tinjii vâ bânats;
Xeani gârdinj adâpats,
Shi a voastri vâ li uscats.
Tsi că vâ hits dishtiptats,
Shi di altsâ cama ascâpirats
Vrets, nu vrets, stats âncljinats,
Sh-di un di-alantu aurlats.
Ia sculats di vâ-mprustats,
Dipriunâ sh-tuts ca frats!
Limba a voastrâ s-vâ-nvitsats
Ta s-hits di tuts alâvdats!
001.882
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 173
- Citire
- 1 min
- Versuri
- 40
- Actualizat
Cum sa citezi
Sima Mirela. “Câtrâ Armânj.” Atelier, Poezie.ro, https://poezie.ro/atelier/sima-mirela/poezie/13988870/catra-armanjComentarii (0)
Autentifica-te pentru a lasa un comentariu.