Poezie
Dorlu
di Constantin Belemace (1849-1932)
1 min lectură·
Mediu
-Cu-a tăi ocl’i ca di amure
Arseși inima la gioni,
Piturnicl’ie dit pădure
Þi tut cânți pi la fântâni.
Curmă-ți cînticlu , mușeată
Di te-adună-n cuiblu a tău,
Că va-s cheri un gione, feată
Și’l’i picat di Dumnidzău.
-Nu cânt gione, tră inate,
Ca s-ță fac a țâia arău,
Ma-ni plang dorlu tră un frate
Că-i diparte ș-nu-l ved eu.
Era soare di pri dzeană
Și cu ocl’iul di schifter,
avea budza-l’i ca mirgeană
Anghil viu cădzut din țer
-Doare soră arde loclu
Chică lacăma ca jar
Cînd tri frate ș-veară foclu
Di dureare și amar!
002.475
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 96
- Citire
- 1 min
- Versuri
- 20
- Actualizat
Cum sa citezi
Sima Mirela. “Dorlu.” Atelier, Poezie.ro, https://poezie.ro/atelier/sima-mirela/poezie/13991509/dorluComentarii (0)
Autentifica-te pentru a lasa un comentariu.