Poezie
Lilicea a vrearil'ei
di Nushi Tulliu (1872-1941) (Un veac de poezie aromână - di H. Cândroveanu, K. Iorgoveanu)
1 min lectură·
Mediu
Aclo nsus, tu naltu munte,
Ună cruțe-i pri murmintu;
Ningă cruțe-i nă lilice
Ligănată mashi di vimtu.
Turmilie di oi shi'di căpri
Dimineatsa u-añiurdzescu;
Pascu iarba di-avărliga,
Ma pri nîsă nu-u cărtescu:
Că lilicea țea aroșe,
Ca mirgeana di tru-amare,
Pri murmintul di pri munte
Siminată-i-n Grailu-Mare.
Siminată-i di'ună feată
Albă, naltă ca nă dzînă,
Și udată cu lăi lăcriñi
Ună ntreagă sîptămînă.
Ningă caplu-a picurarlui,
Vătămatu în sus la stane,
Siminată fu lilicea
Di-armână ca fidane.
Tr-ațea turmile nu-u pascu
Pri lilicea a li vreare.
Cari va-u pască, tu minută,
Pri murmintu-analtu, cheare.
002.390
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 94
- Citire
- 1 min
- Versuri
- 24
- Actualizat
Cum sa citezi
Sima Mirela. “Lilicea a vrearil'ei.” Atelier, Poezie.ro, https://poezie.ro/atelier/sima-mirela/poezie/13991875/lilicea-a-vrearileiComentarii (0)
Autentifica-te pentru a lasa un comentariu.