Poezie

Sclavlu

di Mihali Nicolescu (1835-1865) dit "Picurarlu di la Pind" di Dina Cuvata, Scopia, 2001.

1 min lectură·31 decembrie 2011

Mediu

- "Spuni-nj, bre gione, ocljiul di-amurâ,

Tsi eshtsâ tini? Un Armânash?

Budzâli-aroshi, mushata-ts gurâ

Mi-alashi nâ oarâ dultsi s-li bash?

Că tsi am, nu shtiu; di cându tini

Ti vidzui prota,-arău lândzidzăscu,

Shtii că shi somnul fudzi di mini?

Ca tseara, gione, ah! mi tuchescu.

Macar tsi lucru-l ljau mini-n mânâ,

Pari că u poartâ, ah! 'namea-a ta,

Lăcârnj-atumtsea, ca dit fântânâ,

Ânj curâ dultsi pristi fatsa-a mea.

Yina, bre, gione, preaclj s-nâ fatsim,

Un trup, un suflit, doilji s-avem

Aestâ banâ doilji s-u treatsim,

Scafa di moarti doilji s-nâ-u bem.

Tsi easti, gione, aestâ tâtseari?

Ocljiul diunâoarâ tsi lu-aplicashi?

Ah! nu-ai ti mini, nu-ai nâ vreari,

Fudz, fudz, mi-alasâ: mi vâtâmashi".

- "Ascultâ ghini, featâ mâratâ:

Shtiu shi cunoscu, ti mini ai dor;

Tsi s-fac? sclav escu, inima-i datâ:

Giurai pi crutsi-a altâljei amor.

Aestâ easti a mea tâtseari,

Ocljilji diunâoarâ ti-atsea aplicai,

Ti atsea trâ tini nu am altâ vreari,

Ma shtii, tsi, soro? Frati sâ-nj mi-ai".

002.835

Sima Mirela. “Sclavlu.” Atelier, Poezie.ro, https://poezie.ro/atelier/sima-mirela/poezie/13997218/sclavlu

Comentarii (0)

Autentifica-te pentru a lasa un comentariu.