Poezie
Dhyeată ti hilji-mea
di Matilda Caragiu Marioțeanu (1927 -2009)
1 min lectură·
Mediu
Hiljea-nji, vruta-nji
Tsi nu ti featsishi ni Yramusti
ni Samarina
ni Hrupishti
ni Perivoli
Tsi nu biush ni apă adusă cu ghiumili
di la Doltsă
di la fântâna alu Bucuvală
ditu trăpiclu ali Veryini
Tsi nu shtii tsi va-s dzâcă
ni njelu di Argos
ni pită tu sinii, cu circhelu coaptă,
ni dzamă di pâni,
di dadă armână adrată
ni bucuvală dultsi
sh nitsi cashu cu umtu
Tsi nu ai bâshată mână di omu aushu
di papu
di mumi tinjisiti
cu mânjili hrisusiti
Tsi nu shidzushi ascumtâ, s-ts aducă isusitlu
Tsi nu-ti adrashi-nveastă fără si-lu shtii bărbatlu
Tsi ni că shtii tsi easti ocljiulu cându algheashti
di-ahâtă ashtiptari
sh di ahâtă vreari...
Hiljea nji, birbicusha nji,
zbuldzlu ameu di neauă
ocljiu di mărdzeauă
peru di aruseauă
truplu di-aluneauă
boatsi di pirdhyeauă
Tsâni-nj, tsâni mâna-nj...
003.445
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 134
- Citire
- 1 min
- Versuri
- 32
- Actualizat
Cum sa citezi
Sima Mirela. “Dhyeată ti hilji-mea.” Atelier, Poezie.ro, https://poezie.ro/atelier/sima-mirela/poezie/13994935/dhyeata-ti-hilji-meaComentarii (0)
Autentifica-te pentru a lasa un comentariu.