Poezie
Cilnicamea sh-picurarlj
di Nushi Tulliu (1872-1941) (Un veac de poezie aromână - di H. Cândroveanu, K. Iorgoveanu)
1 min lectură·
Mediu
La tutushtili di-ndzeanâ picurarlji tuts s-adunâ,
Di pri Elimbu âlj mutreashti nvirinatâ albâ lunâ.
Ma nu shtiu trâ cari lucru picurarlji s-adunarâ
La turushtili di-ndzeanâ, a lor celnits iu-lj cljimarâ!
Lumea dzâtsi că nâshi canda si zburârâ s-nu ânchiseascâ
Anlu-aestu cu cupiili ruga (plata) pân’ s-nu lâ pâlteascâ;
Că di dzatsi meshi di dzâli a vârnui nu ljau pâltitâ,
Nu-au tsâruhi tu cicioari shi tsipunea lâ-i tuchitâ.
Tsara-lj mâcâ pri tu muntsâ, nu-au nitsi pâni di sicarâ.
Cilnicame, cilnicame, pânâ sh-cânjlji va lâ moarâ!
Di-agiunatic sh-di slâbintsâ nitsi câtsalili nu featâ,
Că mârata armânami-agiumsi astâdz dispuljatâ.
Picurarlji?... Oh, lâitslji! Tu-an nâ oarâ yin acasâ,
Shi niveastili lâ plângu că fârinâ nu lâ-alasâ.
Plâng ficiorlji trâ bâbotâ, plângu corghilji shi s-dirinâ-
Tsi vrets, celnits, tu Hasandra picurarlji tra s-vâ yinâ?
Mash cârliglu cu tâmbarea easti ntreaga lor aveari;
Ia plâtits-lâ ruga toatâ, că tutiputa vâ cheari...
Ia plâtits-lâ ma curundu, că va-acatsâ muntsâlji neauâ
Sh-va s-vâ chearâ tuts birbetslji sh-nu va armânâ vârnâ njauâ!
002.605
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 163
- Citire
- 1 min
- Versuri
- 20
- Actualizat
Cum sa citezi
Sima Mirela. “Cilnicamea sh-picurarlj.” Atelier, Poezie.ro, https://poezie.ro/atelier/sima-mirela/poezie/13992829/cilnicamea-sh-picurarljComentarii (0)
Autentifica-te pentru a lasa un comentariu.