CUM S-FEAÞI CÃTUȘA

Tu-ună dzuă di veară, nă moași avea ișită n păduri ti leamni ș-ti buburet. Cum căfta aoa ș-aclo, na, deadi pi dzati furi. Vru s-fugă moașa, ma furl’i u-acătară ș-u ligară. – Va ti tăl’iem, mae, ăl’i dzăsi un fur, că hil’i-tu nă prudeadi unăoară și va nă vătăma tut. Moașa plăndzea și tut lă dzătea s-u-alasă, că-i oarfănă, că-i niputută. Pănă apoea, a căpitanlui ăl’i si nilui. Un an năinti l’i-avea moartă mă-sa, cari eara tu vrăsta a moașil’iei. – S-nu u tăl’iem, dzăti el, ma s-u dutem tu un loc ascumtos și aclo s-u-alăsăm s-moară di foami. U loară ș-u dusiră tu un loc, iu, niadzădzuă, nu puteai s-vedz niti dauă ceapi diparti. Șidzu aclo moașa dauă dzăli, fără s-măcă nă mășcătură di păni. A treia-dz vru s-fugă, ma nu ștea pri iu, că nu s-videa di vărnă parti. Ti tihi tricu pri aclo nă capră agră ș-moașa s-lo după capră ș-putu s-easă dit păduri. Lo apoea calea cătră casă, ma agiumsi pi un munti ș-aclo cădzu mpadi di curmată ș-di-agiună ti eara, că di trei dzăli nu ș-avea băgată niti nă sărmă n gură. S-ascumsi moașa tu-ună groapă, că l’i-eara frică s-nu u duchească tiva furl’i. – Dă-ni putana s-mac, l’i strigă moașa dit groapă, că mor di foami. – Mori ș-crechi, ăl’i dzăsi nveasta, ma ghini s-mori, ca s-nu armănă moași pisti loc, că nă scot suflitlu a noauă, a nveastilor. Vedz, că atea mul’iari avea inati pi moași, că năsă nu tritea ghini cu soacră-sa și-l’i si părea că tuti moașili nu suntu buni. – S-ță hibă nilă, lea Cată, ași u cl’ima nveasta, că de, cu di-ayia ascăpai di la furi. – Stăi, s-lă spun, ma-i ași. S-dusi Cata ațea anapuda ș-lă spusi iu-i moașa. Furl’i s-năiriră multu și s-dusiră cu nveasta, ca s-u află și s-u facă cumăt. Cata tut ma lă striga: – Ia-u! ia-u! Furl’i u-acătară ș-căndu va s-u tăl’ia, moașa anăltă mănili nsus și dzăsi: – Doamne Dumnidzale! avdză plăngul a meu! Aestă mul’iari, ti nu-avu nila di mini ș-mi prideadi, si s-faca ună prici nică și cu zori să s-hrănească. Tu loc di Cată, s-l’i strigă cătuși; ș-cum ază strigă ia-u! ia-u! di-aoa ș-năinti să strigă: miau! miau! Dumnidză u-ascultă ș-ași s-feati cătușa.