Poezie
Vârcolaclu
di Mihali Nicolescu (1835-1865) dit "Picurarlu di la Pind" di Dina Cuvata, Scopia, 2001.
1 min lectură·
Mediu
-"Feată, feată, nu tsâ-alagâ,
Că ici tsiva io nu tsâ fac.
Tini vedz că soarli s-bagâ;
S-nu ti acatsâ vâr vârcolac.
Stăi, ashteaptâ s-yin sh-mini;
Că nu nâ veadi vârnu om
Când' him doilji-i cama ghini,
Cara s-vrei, di brats s-nâ lom".
Dzâsi feata: "Giuri, bre gione,
Că nu vrei ta s-mi cârteshtsâ?
Că sh-cu zboarâ, pân di soari,
Buni vrei ta s-mi zburăshtsâ?"
-"Nu hii ayrâ" dzâsi - "ascultâ;
Dă-nj-u-ayonjea mâna-a ta.
Tsi vrei zboarâ, lafi multâ?
Mini voi ta s-eshtsâ a mea.
Giur pi crutsi vreari mari,
Giur s-ti ljeau ti-nveasta-a mea.
Dă-nj nâ singurâ bâsheari
Cu dultsea-ts guritsâ-a ta."
-"Fudz, mi-alasâ", feata strigâ;
"Nu dzâtseati: tsiva nu-a tsâ fac?
"Budza-a ta va ta s-mi frigâ;
Fudz, eshtsâ singur vârcolac!"
003.513
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 122
- Citire
- 1 min
- Versuri
- 24
- Actualizat
Cum sa citezi
Sima Mirela. “Vârcolaclu.” Atelier, Poezie.ro, https://poezie.ro/atelier/sima-mirela/poezie/13997377/varcolacluComentarii (0)
Autentifica-te pentru a lasa un comentariu.