Poezie
Nani-nani
di Nushi Tulliu (1872-1941) (Un veac de poezie aromână - di H. Cândroveanu, K. Iorgoveanu)
1 min lectură·
Mediu
Dornj'nj scumpul a li mami,
Dornj'nj alba mea fidani.
Pănă măni dimineatsă
Fă'nj tu nitsă (sârmânitsâ=leagăn) "nani-nani".
Fă'nj tu nitsă "nani-nani",
Că'i noapti, shi'arcoari
Shi ciuciurushili tsă'ngljeatsă,
Ocljiu laiu, ocljiu di soari.
Ninga capu aveaglji mama
Nidurnjtă, ca shindani,
Pănă somnul să'nj ti fură
S'facă njclu "nani-nani".
Ncljidi ocljii ca di anyil
Scumpa mea mărgăritari,
Sh-dornj'nj somnu fără yisi
Păn să'nj creshtsă gioni mari.
Păn să'nj creshtsă gioni mari,
Chiparishu, cu steaua'n cheptu,
S'plăngă featili di vreari
Tr-ali mami hiljlu aleptu...
Va să'nj creshtsă caleshu ca tata,
Nalt la trup, mushat la fatsă,
Ca icoană zuyrăpsită,
Ca lutseafiru di dimneatsă.
.............................
Dornj'nj, albulu ali mami,
Dornj'nj, njca mea fidani,
Ca trandafilă mushată
Fă'nj tu nitsă nani, nani
Fă'nj tu nitsă "nani-nani"
Că'i noapti sh'arcoari,
Shi'nj tsă'ngljeatsă a tali pati (mânutsi)
Mirginosu ocljiu di soari...
002.478
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 134
- Citire
- 1 min
- Versuri
- 33
- Actualizat
Cum sa citezi
Sima Mirela. “Nani-nani.” Atelier, Poezie.ro, https://poezie.ro/atelier/sima-mirela/poezie/13992823/nani-naniComentarii (0)
Autentifica-te pentru a lasa un comentariu.