Poezie
Dimândarea pârinteascâ
di Constantin Belemace (1849-1932)
1 min lectură·
Mediu
Părintesca dimândari
Nă spigiurâ cu foc mari
Frats di mumă shi di-un tată
Noi,Armănji di eta toată.
Di sum plocili di murmintsâ
Strigă a noshtsâ bunji părintsâ:
"Blâstem mari s-aibă-n casâ
Cari di limba lui si-alasâ.
Cari-shi lasâ limba lui
S-lu-ardă pira focului,
Si-s dirină yiu pri loc,
Si-lji si frigă limba-n foc.
El tu vatra-lji părintească
Fumealjia s-nu-sh hârâsească
Di fumelji curunji s-nu bashi,
Nat tu leagăn si nu-anfashi
Cari fudzi de-a lui mumă
Shi di părinteasca-lji numă,
Fugă-lji doara Domnului
Shi dultseamea somnului!"
003.003
0
Despre aceasta lucrare
- Autor
- Sima Mirela
- Tip
- Poezie
- Cuvinte
- 85
- Citire
- 1 min
- Versuri
- 20
- Actualizat
Cum sa citezi
Sima Mirela. “Dimândarea pârinteascâ.” Atelier, Poezie.ro, https://poezie.ro/atelier/sima-mirela/poezie/13991497/dimandarea-parinteascaComentarii (0)
Autentifica-te pentru a lasa un comentariu.