Grailu armânescu
de George Murnu(2012)
1 min lectură
Mediu
Grailu-a meu di mumă,grailu a meu di tată,
Vatra mea iu nji-ardu anjli tse-am bănată.
Grai picurărescu di păduri shi plaiuri,
Zbor tsi-avdzăi dit gura-a paplui shi-ali maiei,
Zbor di budză vrută,Dumnidzască njilă,
Njiurismă di frangă shi di trandafilă.
Lavă di căshare,boatse di călivă,
Suflă vindicare a ta dultsi livă.
Adiljat di moscu,duh di primuveară
Bana nji-u cutreamburi ca ună flueară
Tsi di dor pitrunde noaptea tu pundie,
Inima-nji ti cântă,mâna-nji tut ti scrie.
Stau,tsi-ascultu plângul,jalea shi niholu,
Ved ancrutsiljiată Soia-nji ca Hristolu
Shi mizi lji-si-avdi zborlu a tău dit gură.
Scumpa mea fântănă tsi anarga cură,
Măni,poati, măni,di dushmanji biută,
Va si-armănji tu etă, pondă shi tăcută.
Despre aceasta lucrare
- Autor
- George Murnu
- Tip
- Poezie
- An
- 2012
- Cuvinte
- 108
- Citire
- 1 min
- Versuri
- 18
- Actualizat
Cum sa citezi
George Murnu. “Grailu armânescu.” Clasici, Poezie.ro, https://poezie.ro/clasici/george-murnu/poezie/grailu-armanescuIntrebari frecvente
Comentarii (0)
Autentifica-te pentru a lasa un comentariu.