Poezie
Nu plandzi
di George Murnu
1 min lectură·
Mediu
Nu plăndzi soră, nj-easti duri
Mărazea ascumtă tsi u portu
Ca puljlu singur tu păduri.
Las’ s-chică lacrima a ta s-furi
Că dorlu nj-easti mortu.
Ma dorlu-nj vatră tsi nu moari.
Nu-nj plănzi, ninca him deadun,
C-aesti aumbri di ‘nvirnari
Tsi-sapargu a arăslui dultsi harri,
Di cari nj-escu agiun.
Jălirea tsi-easti niundzită,
Nu ‘nveashti stranj tsi prindi a altor.
Lutseafir s-hibă a ta mutrită,
Di-arăs ca apa ‘nyilicită
Di soarli călător.
Nu plăndzi, mi cutreambur, vrută,
Că chicuti ‘nchisesc furtunj;
nj-adutsi aminti earna mută
Cu gljets shi negură ‘nviscută,
Ma plăndză shi tsiva nu spunj.
Diznău tu-aestu plăngu arădi
Shi lja-ts-u harea a ta năpoi.
Shi trandafila tsi discljidi,
Cu tsi dultseami sumarădi
Tu chicuta di ploi!
002.910
0
Despre aceasta lucrare
- Autor
- steryiu ciumag
- Tip
- Poezie
- Cuvinte
- 117
- Citire
- 1 min
- Versuri
- 25
- Actualizat
Cum sa citezi
steryiu ciumag. “Nu plandzi.” Atelier, Poezie.ro, https://poezie.ro/atelier/steryiu-ciumag/poezie/13993076/nu-plandziComentarii (0)
Autentifica-te pentru a lasa un comentariu.