Poezie
Grailu armanescu
George Murnu
1 min lectură·
Mediu
Grailu a meu di mumă, grailu a meu di tată,
Vatra a mea iu nj-ardu anjlji tsi-am bănată.
Grai picurărescu di păduri shi plai,
Zbor tsi-avdzăi dit gura a paplui sh-ali mai,
Zbor di budză vrută, dumnidzască njilă,
njiurizmă di frangă shi di trandafilă.
Lavă di căshari, boatsi di călivă,
Suflă vindicari a ta dultsi livă.
Bana nj-u cutreamburi ca ună fluiară
Tsi di dor pitrundi noaptea tu pundii,
Inima-nj căntă, măna-nj tut ti scrii.
Stau ts-ascultu plăngul, jalea shi niholu,
Ved ăncrutsiljată soia-nj ca Hristolu
Sh-mizi ălj-si avdi zborlu a tău dit gură.
Scumpa a mea făntănă tsi anarga cură,
Măni, poati măni, di dushmanj biută,
Va s-armănj tu etă pondă shi tăcută.
002.591
0
Despre aceasta lucrare
- Autor
- steryiu ciumag
- Tip
- Poezie
- Cuvinte
- 114
- Citire
- 1 min
- Versuri
- 17
- Actualizat
Cum sa citezi
steryiu ciumag. “Grailu armanescu.” Atelier, Poezie.ro, https://poezie.ro/atelier/steryiu-ciumag/poezie/13992379/grailu-armanescuComentarii (0)
Autentifica-te pentru a lasa un comentariu.