Poezie
Multsâ gionji tri tini s-da
di George Perdichi
1 min lectură·
Mediu
Mulțâ gioñi tri tini s-da
Tra s-ti l'ia niveastă.
Nu știu dada-ț ca s-ti da...
Ș-gianlu a meu ti-adastă.
Mulțâ gioñi pi tini vor
Că hii mșeată armână,
Ama ș-eu tri tini mor
Tra s-ti bag tru mână.
Mulțâ gioñi tu ocl'iu ti-au
Tra s-ti l'ia, bugdană,
Ama ș-eu tri tini ñi-dau
Nvirinata bană!
Mulțâ gioñi, draclu si-l'i l'ia,
Tuț tri tini alagă.
Va videm: cari va ti l'ia
Ș-corlu cari va-l tragă?
Mulțâ gioñi cu iniñi: foc,
Că ti vor, și-avdzâră;
Ma bânedz ș-eu pristi loc.
Nu ti-alas la vâră!
Mulțâ gioñi nicaț di dor,
Asândzâ ti-alavdă;
Macă l'iai cărarea lor,
Gianlu-a meu nu-aravdă:
Câț ti vor, pi tuț va-l'i bat,
Loclu s-nu-l'i ancapă
Ș-va ti-arap ca un turbat
S-mor cu tini-n groapă!
003.357
0
Despre aceasta lucrare
- Autor
- Ianula Gheorghe
- Tip
- Poezie
- Cuvinte
- 124
- Citire
- 1 min
- Versuri
- 28
- Actualizat
Cum sa citezi
Ianula Gheorghe. “Multsâ gionji tri tini s-da.” Atelier, Poezie.ro, https://poezie.ro/atelier/ianula-gheorghe/poezie/13991654/multsa-gionji-tri-tini-s-daComentarii (0)
Autentifica-te pentru a lasa un comentariu.