Poezie
Patria
di Atanasie Nasta
1 min lectură·
Mediu
Plaviurile-a tale sunt ca suratea al tate -
Căl'iuri și văl'iuri
Di trăpulice di lăcriñi săpate,
Di bruma toamnăl'ei,
Di inatea apultusită -
Că iar va chindurească la stane
Ascherea, ori furl'i,
Lăvoasă pângane -
Nifănătită di aică, di ñel'i și pâră...
Ș-altoară săpate di lailu dalac,
Þi lu-alăsa măratlu di tate
Fără cupie, dip fucără!
E... ma, nopțle!
Ariñipsitele nopță,
Cu nai ma albă lună împlină,
Ca ună vergură pi harpă, -
Di nu știi: cântă, i vahi si-ancl'ină!
Când oile acățau ta s-doarmă,
Si-avdza mași frândza cum s-dirină,
Ș-atumțea ruzvuia dit munte
'Nă avră dulțe-añiurizmată,
Di s-luñina suratea-l tate -
Ca añil'i când eara tu ñeate!
S-videa în vis, tu ñeadză iarnă -
Prit pădzle di ninga Egeea,
Cu ñel'i timpurii îm-brață,
Cum lă dizñirda lâna moale
Ș-băbuchea coarnelor de-amalmă...
Vulodzle a tale -
Patrie,
Sunt ca suratea ali dade,
Surate aghisită
Di mușiteață ș-di bunătate -
Ca pânea ți u fărmita tu căpisteare.
Cu ocl'i mări și-mpliñi di hare,
Siriñi - di anghil fără peane,
Învirinaț di multă vreare -
Mutrindalui tut cătră munte,
Înlăcrimaț di dor, di jale
Ș-di soarta-l tate, bana-ntreagă...
O, cum putuși -lăi Dumnidzale,
S-l'i-astindz, ca floarea dit vuloagă?
00521
0
Despre aceasta lucrare
- Autor
- Ianula Gheorghe
- Tip
- Poezie
- Cuvinte
- 196
- Citire
- 1 min
- Versuri
- 42
- Actualizat
Cum sa citezi
Ianula Gheorghe. “Patria.” Atelier, Poezie.ro, https://poezie.ro/atelier/ianula-gheorghe/poezie/13991482/patriaComentarii (0)
Autentifica-te pentru a lasa un comentariu.