Poezie

Limba noastra

(varianta in dialect aroman)

2 min lectură·23 decembrie 2004

Mediu

Limba noastră s-avdi largu pi iu cântă picurarlii

Ș-cârvânarlli primuverli cu furtiili, cu hârarlli.

Limba noastră-i neari dulți, liva ți disneardă fadzlli

Când\' s-adună și zburăscu pi la mândră chihireadzli.

Limba noastră-i sârmânița, vatra iu s-înclină mllerli,

S-facă nani ciulimeanlli, anfâșneaț s-adună serli;

Easti gioc di fciori, di feati cu-avunerli pit vuneauă,

Halatlu dit strehi și-uboari cu armânamea di harauă!

Limba noastră easti avra ți dișteaptă noaptea ponlli,

Dorlu-ascumtu cându-și grescu isusitili cu gionlli;

Easti duhlu a vranghidzlor; pi-ascumta când elli-s-bași,

Tutu-arâslu-a ficiurițlor anvârtiț, hârsiț tu fași.

Cântițli ș-hareili-a noasti s-boț di chipuri, di clopat,

Undili di izvuriți, șcllimurărli di la șopat

ți tut cură dzuă, noapti hiri, hiri, șuputiri

Și-udă tu vâlodz lilișli, tu livădzâ-s-tu ciiri.

Glaslu-a nostru-i piră-aroși di la soari, di la lună,

Jar, lunină di luțeafir, pisti eti foc, bâbună:

Sfulgul albu-ascâpirărli tu furtuni la VALEA-ARAÞI,

Munțâlli, plaiurli di plângu ti-armâneamea di fârmați...

Limba noastră-i dipirarea cu uhtărli, cu gaileadzlli,

A pârințîlor tirani cu bileili, cu câvgadzlli.

Da blâsteami la ihțrâlii ți nâ-avină s-ni spâstrească,

Ma, s-surdzască și s-nu-apucă s-avdă limba armânească.

Limba noastră-ipârvulia a-mpârațlor Asâneșță,

Morță s-apără, s-nu cheară grailu ș-numili-armâneșță.

Ea la jali ș-plândzi morțâlli ți s-discurmă la mirmință,

Mirluseaști când\'nâ-alasă și-ncllid-oclli-a noșț\' pârință.

Thrinlu-armâniloru-i harlu ali mumi, câti trapsi!

Câ giunamea, ti-armâneasca putridza auși tu-ahapsi...

Limba-aușlor i-adillearea strâpâpânlor dit hicati

Cu tirănli alu-afendi chinuit ti libirtati!...

003.205

Gheorghe M Merca. “Limba noastra.” Atelier, Poezie.ro, https://poezie.ro/atelier/gheorghe-m-merca-0010785/poezie/99018/limba-noastra

Comentarii (0)

Autentifica-te pentru a lasa un comentariu.