In verzich Johr

1960
De Vedder Philip
Gebt eme jede die Hand.
Ich moon, ooni Trän
Hollt er mit uf Deitschland.

1965
Die Wess Kathi
Is uf Bsuch kumm.
Sie hot forr die Kinn
Kaugummi un Bastas gebrung.

1970
E Mann vum Bayrische Fernseh
Steht am Gasserand
Un verewicht die Kerweih
Uf Film- un Tonband.

1975
Mei Freind versprecht mer,
Dass er mer schreiwe werd.
Uf mol sin die Dorfgasse
Fremd un leer.

1980
Es wär jo scheen,
Wann mer’s schaffe meecht,
Bis unser Buche
In de Kinnergarte geht.

1985
Die Blechmusik spillt im Hof,
Merr sucht noh’me Abschiedswort.
So lang hot merr gewart,
So schnell is merr fort.

1990
Kumm, gehn mer in de Aldi
Un mache e Packet.
Do weihnachts schun so,
Drunne leit bestimmt schun Schnee.

1995
Im Banat packt sei Kupper
De letzt Schwob.
De Vedder Philip
Is schun lang tot.

2000
Uf’m Heimatortstreffe
Werd verzählt,
Dass es Kriegerdenkmal
Nemi steht.


[Uf der Schanz, 1988]