im gasseteerche iwer die gass

de schilli bácsi
hot bei der wess sus
im gasseteerche gsitzt
bei manche heiser
ware die gäng schun abgeriss

die stibcher sin
in mod kumm
awwer irgendwie
war die geschichte krumm

irgendwann hun ich
de schilli bácsi
nemmi gsiehn
die wess sus
is noch e weil geblieb

noo hot se mit de junge
auswannre misse
un hatt ka gelegenheit meh ghat
forr im gasseteerche sitze

ich hun selmols
iwer die gass
in der efeulaube ghuckt
un gewart uf de briefeträger

jetz sitz ich do
tausend kilometter weit weg
uf ’m bänklche vor ’m haus
un froo mich
ob ’s gasseteerche noch lebt


[uf der schanz, 2020]