De Garte un e junges Weib

Des jung Weib wär doch dehoom
Un mecht so wenich mache,
Vun morjeds bis oweds norr tratsche,
Heer ich die Alte son.

Kennt des nicks im Garte mache?
Die ploot sich so, sei Schwermotter.
Es is jo net die eigni Motter,
Awwer gar nicks helfe, norr streide un lache?

Was die Alte sich norr kimmre,
Hun ich mer gedenkt,
Wie ich gheert hun so do unlängst,
Daß die wedder Gschichte zimmre.

Noch net lang, mol oweds spät,
Sin ich gang noch dorch die Gass.
Do hinner mer, do kummt doch was!
Verschrock hun ich mich rumgedreht.

Was wirklich kumm is, war net schlimm:
Des jung Weib is mit seim Mann
Im funkelnagelneie Trainingsgwand
Bißje gelaaf, daß die Verdauung stimmt.

Do wär jo weider nicks dabei,
Awwer meim verworrte Kopp
Hot e Weiwergschicht ka Ruh geloss:
De Garte un e junges Weib.


[Johrmark, 1983]

Lesung uf YouTube