Modernes Mittachesse

De Franz, de Nick un de Sepp
Hun in Bukarest zu Mittach gess.
Um die schwowisch Kost mol zu vergesse,
Hun’se modern wolle esse.
E Grillhinglche forr e jede
Hot’s gewwe vu’me flinke Kellner.
Ohne vill zu schaue links un rechts,
Ware die Hinglcher aah ball weg.
E Getränk mi’me Zitronestick
Stellt de Kellner ah noch uf de Tisch.
Serveert in Tonschale,
Hot’s noch gedampft un war warm.

„Franz, host du des bstellt?“,
Froot noh ooner Weil de Sepp.
Un de Nick: „Was des sein kännt?
Aus Schale trinkt merr im Orient!“
De Franz muss sich vor Lache de Phanz halle,
Weil, was anre Leit mache, hot er beowacht:
„Schaut mol, die wäsche ehre fettiche Hänn
In de Schale mit dem Orientgetränk.“

[Johrmark, 1981]

(Worterklärungen: Hinglche = Hähnchen; Phanz = Bauch)

LESUNG