Du laid tétin, blason
de Clément Marot(2008)
2 min lectură
Mediu
Tetin, qui n\'as rien, que la peau,
Tetin flac, tetin de drapeau,
Grand\' Tetine, longue Tetasse,
Tetin, doy-je dire bezasse ?
Tetin au grand vilain bout noir,
Comme celuy d\'un entonnoir,
Tetin, qui brimballe à tous coups
Sans estre esbranlé, ne secoux,
Bien se peult vanter, qui te taste
D\'avoir mys la main à la paste.
Tetin grillé, Tetin pendant,
Tetin flestry, Tetin rendant
Vilaine bourbe au lieu de laict,
Le Diable te feit bien si laid :
Tetin pour trippe reputé,
Tetin, ce cuydé-je, emprunté,
Ou desrobé en quelcque sorte
De quelque vieille Chievre morte.
Tetin propre pour en Enfer
Nourrir l\'enfant de Lucifer :
Tetin boyau long d\'une gaule,
Tetasse à jeter sur l\'epaule
Pour faire (tout bien compassé)
Ung chapperon du temps passé ;
Quand on te voyt, il vient à maints
Une envye dedans les mains
De te prendre avec des gants doubles
Pour en donner cinq ou six couples
De soufflets sur le nez de celle
Qui te cache sous son aisselle.
Va, grand vilain Tetin puant,
Tu fourniroys bien en suant
De civettes et de parfums
Pour faire cent mille deffunctz.
Tetin de laydeur despiteuse,
Tetin, dont Nature est honteuse,
Tetin des vilains le plus brave,
Tetin, dont le bout tousjours bave,
Tetin faict de poix et de glus :
Bren ma plume, n\'en parlez plus,
Laissez-le là, veintre sainct George,
Vous me feriez rendre ma gorge.
(Blason de Clément Marot)
Despre aceasta lucrare
- Autor
- Clément Marot
- Tip
- Poezie
- An
- 2008
- Cuvinte
- 237
- Citire
- 2 min
- Versuri
- 43
- Actualizat
Cum sa citezi
Clément Marot. “Du laid tétin, blason.” Clasici, Poezie.ro, https://poezie.ro/clasici/clement-marot/poezie/du-laid-tetin-blasonIntrebari frecvente
Comentarii (0)
Autentifica-te pentru a lasa un comentariu.